farida and trying to be special

Tuesday, October 31, 2006

لم يبلغ أحد!!!!!؟

في الحديث عن السعار الجنسي كما أطلق عليه
...............
لن أتسائل لماذا ؟؟ و الشباب؟؟ و الإنحلال الأخلاقي.. و ما إلى آخره من الأسئله العرجاء
لأنه بصراحه هذا شيء غير مستغرب
من يسأل يجب أن ينظر حوله و يدرك كم من الظواهر الغير عاديه و التي أصبحت عاديه جدا في مصر
على رأسها تدخين الحشيش
الحشيش زي السجائر تماما الآن متوفر و منتشر بصوره مخيفه
ستسألوني و ما العلاقه؟
سأقول لكم أن التدهور ما هو إلا منظومه متكامله من ألفاظ بذيئه منتشره لتردي ثقافي خطير لأغاني و أفلام هابطه لممنوعات متدواله بسهوله ولإنعدام رهيب لأي قدوه أو محور للحياه حتى لو كان الله ذاته
..............
إذا أنا لا أتسائل لماذا حدث
أنا أتعجب من أنني الآن أعلم أني أعيش في بلد بلا أمن أو أمان
عساكر الأمن المركزي الذين رأينا صورهم يدوسوا المتظاهرين بالجزم
لم يظهر لهم أثر في حادثه تحرش جنسي في وسط البلد
وزارة الداخليه تقول
لم يبلغ أحد!!!!!!!!!!!!!!!!!!!!؟
..................
طب و النبي مكنش في و لو عسكري واحد حول المكان وسمع
يعني أنا مش فاهمه يعني لو دي مظاهره و عسكري موجود بالصدفه و شافها و لا بلغش كان حيتعاقب طبعا
لكن هتك عرض .. تقليع بنات .. خناقه...شوم... تكسير تاكسي.. و لو حتى قتل
و كان في العسكري الفلاني
أو مكنش في
أهو الأمن نايم على ودنه مستني حد يبلغ
لازم حد يبلغ
هو حيشم على ظهر ايده!!!!!!!؟
ده أمن
لا لا لا لا متفهمنيش غلط مش أمن بالمعنى المفهوم
أمن لغير الشعب
طول ما انت ضد الحكومه الأمن ضدك
لكن ضد الشعب
إضمن ان محدش يبلغ عنك

Labels:

21 Comments:

  • At 9:40 AM, October 31, 2006 , Anonymous مختار العزيزي said...

    إمبارح زوجتي قالتلي يارب ما أخلفش بنت فأعادت الي ذاكرتي ما كتبتيه سابقا.

     
  • At 11:15 AM, October 31, 2006 , Anonymous Familiar Stranger said...

    We are all going to Hell with this mentality!!!!

     
  • At 12:01 PM, October 31, 2006 , Blogger caesar said...

    دى كارثة اخلاقية

     
  • At 10:11 PM, October 31, 2006 , Blogger عبدالله مفتاح said...

    معلش كلمتين لو مقلتهمش ممكن يحصلي حاجة
    بس في مشكله ان البعض عنده حساسيه من كلامي
    بخصوص موضوع بي بي سي عايز اقلك انك كل ما تكتبي بالشكل ده هتلاقي كل مكان بينشرلك ومش بي بي سي بس لا وحتت تانيه كتير
    يبقى انا لما زعلت من الاسلوب وقلتلك كوبي وبيست ...كان معايا حق
    ليه مقالك التاني مش هو اللي اتنشر لان مش هو ده الكلام اللي هما عايزينه
    ابنتي العزيزة... هو ده بالظبط اللي هما عايزينه وعشان كده اتنشر واكتر من كده ممكن تلاقي مطلوب منك حوارات وابواب المجد والشهرة تتفتحلك
    يبقى انا مكنتش غلطان لما ادايقت
    للمرة المليون يا ريت تكوني فهمتي انا كنت اقصد ايه
    من غير زعل ومن غيرفتح الموضوع ده تاني انسي ومترديش عليا لانهم كلمتين كنت لازم اقلهم لانكم فهمتوني غلط وكتير اتريقوا
    مش مهم اهم حاجة ان الموضوع ميتفتحش تاني
    نشر البي بي سي لابنتي العزيزة ...
    اثلج صدري لاني عرفت ان معايا حق
    وكل عام وانتي بخير
    ومترديش عليا

     
  • At 10:46 AM, November 01, 2006 , Anonymous مختار العزيزي said...

    بص يا أستاذ عبدالله مفتاح لو كنت تعرف مدونتي هتلاقي إني من أشد المتهكمين علي وسائل الإعلام وبشكل أخص أنا من أشد الناقدين لموقع بي بي سي سواء العربي أو الانجليزي. باعمل مسح عام للموقعين بتوعها دول وأرصد التناقضات في المادة الاخبارية والتحليلية الموجهة للعرب وللأجانب وكمان باعمل تعليقات علي استخدام الألفاظ ودلالاتها. ولكن بما إني بقي اللي أشرت الي موضوع فريدة هناك وقلتلها انهم فتحوا الموضوع في البي بي سي فانا هاعتبر ان لادي هنا مهم. مش معني اني بانتقد البي بي سي لإني أبقي ضدها علي طول الخط. العبرة اني أتحاشي التناقض في مواقفي معاها. أنا بانتقدها لنشر بعض الموضوعات للقارئ الأجنبي لأن بيبقي في أسباب وجيهة لنقدي زي مثلا موضوع نشر زواج رجل سوداني من معزة. لكن نشرهم لموضوع فريدة مش زي كدة ليه؟ لأنهم نشروه في الموقع العربي وموجه طبعا للعرب. طيب أسأل نفسي: هل المشكلة اللي اتنشرت دي موجودة؟ طبعا موجودة وعشان كده انا شاركت في حملة كلنا ليلي. طيب هل في ناس بتجيلها فكرة انها مش عايزة تخلف بنت زي فريدة؟ اه طبعا ومنهم زوجتي وقالت لي الكلام ده بعد فضيحة التحرش. طيب هل الناس دي لها أسباب وجيهة؟ طبعا من وجهة نظري ولذلك ستجدني تكلمت عن موضوع التحرش في مدونتي من قبل أن تبدأ حملة كلنا ليلي عن تحرش الشباب بالنساء في المواصلات. ولكل هذه الأسباب فمسألة نشر الموضوع علي البي بي سي ماينفعش يتاخد علي محما إنهم بيدوروا علي موضوعات المرأة عمال علي بطال وأي هبل. لأ طبعا . الموضوع ده مختلف لأنه فعلا له رصيد في الواقع ونحن أولي بمناقشته من بي بي سي أو غيرها. في النهاية باكرر مش معني اني بانتقد البي بي سي يبقي هي محطة أو موقع غير حيادي علي طول الخط. شكرا

     
  • At 10:54 AM, November 01, 2006 , Anonymous مختار العزيزي said...

    بالمناسبة يا أستاذ عبدالله هل قرأت تعليق رضوي أسامة :

    واخذت اتامل ملامح الذعر علي وجه ام وهي ممسكه بحرص شديد علي ايدي بناتها الثلاثه وكانها تحاول اعادتهم الي رحمها مرة اخري
    ---
    الأمر له دلالاته يا أخي. ليس لأن فلانة وفلانة تقول كذا وكذا ولكن لأن المشكلة لها رصيد علي أرض الواقع.

     
  • At 11:13 AM, November 01, 2006 , Anonymous Familiar Stranger said...

    أ/عبد الفتاح
    اسمحلي أنا كمان بكلمتين وقفين في زوري! انا متفهمة تماما وجهة نظرك بتاعت بلاش فضايح مع الغرب. بس ده لا يعني ان كلام حضرتك كان صح. للأسف العقلية المغلقة، المحدودة هية اللي بتفكر من المنطلق ده
    ليه؟ أنا كمان مصر غالية عليه، و لاكن حضرتك مش ممكن تقدر تطلع غلطة وحدة في جواب فريدة
    هية ايه؟ اتبلت على المجتمع؟ ولا الكلام ده كله حقيقي؟؟؟؟؟؟؟؟؟؟
    بظبط زي الراجل اللي بيضرب مراته و بعدين تعاقب اذى اشتكت علشان ميصحش
    يا ريت حضرتك تركز على قولت كلمة الحق و اصلاح مجتمعنا ككل، يمكن بعد أجيال و أجيال مش حيكون في فريدة تكتب ابنتى الحبيبة لا تأتي لان مش حيكون في التفرقة الموجودة بين الصبيان و البنات
    كل اللي نادت له فريدة و أنا ايضا و المجتمع كله يشهد ان المفرود ان كل الأولاد و البنات يتربه على أخلاق واحدة و دين واحد
    عايزة أشوف أب واحد حبس ابنه في البيت ولا ضربه عشان أفشه على التليفون مع بنت ولا عرف انه بيحب ولا مصاحب واحدة!!! الفكرة اللي حضرتك مش قادر تستوعبها هية ان بالرغم من ان الكلام ده حقيقي، فريدة مش بتقول البنات مش المفرود تعاقب و لازم تاخد حقها ثالث و مثلث زي الولاد، لأ! ان الولاد هية المفرود يعملوا معاملت البنات في أمور الدين و الأخلاق، على اللأقل يا سيدي عشان ميكنش في الولد اللي حيضحك على بنتك

    بلاش شغل النعام ده
    اصرارك على انك صح غريب
    ليه يا أخي اذا مكنتش فاهم ماتقولش يمكن فيه وجهة نظر أخرى انت مش عايشها و مش شايفها؟؟؟؟؟؟؟؟

    ربنا يتولى الجميع

     
  • At 6:51 PM, November 01, 2006 , Blogger soosa el-mafroosa said...

    يا فريده أنا سألت في مدونتي كل الشباب

    هو انتوا بتبصوا للبنت اللي معاكوا في دراستكم أو شغلكم بالطريقة دي؟

    بتبصوا على انها جسد و لو انت في مكان ماحدش هيعرفك و البنت مش هتفضحك و ماحدش هايقدر عليك تعمل كده؟

    90%
    قالوا آه

    الموضوع بأه عاااادي و ماعلدش حتى حد بيستغرب

     
  • At 7:38 PM, November 01, 2006 , Blogger عبدالله مفتاح said...

    اخي العزيز مختار : لك مني خالص الود
    Familiar Stranger : عقلي منغلق بردو؟ طيب
    انا مش هتكلم في الموضوع ده تاني لانه خلاص اتقفل وتقبلي تحياتي بس بالراحه عليا يعني عقلي ممكن يطلع مش منغلق ويمكن تكون ليا وجهة نظر انتي مش فهماها وبردو تقبلي تحياتي

    فريده : نفضيلي خالص ومترديش ولا كاني قلت حاجة

     
  • At 4:00 AM, November 02, 2006 , Blogger farida said...

    مختار العزيزي
    ربنا يرزقني و يرزقك ببنت صالحه يحفظها الله
    caesar
    طبعا

     
  • At 4:04 AM, November 02, 2006 , Blogger farida said...

    عبد الله مفتاح
    بدون تعليق و كلام كتير
    أنا فاهمه قصدك كويس
    و متقبله كلامك تماما
    لكن إعذرني لو كتبت بطريقتي
    فكما قال لك مختار
    أكيد دي حاجات موجوده بتخلينا نتكلم

    و شكرا جزيلا لتعلقك

     
  • At 4:07 AM, November 02, 2006 , Blogger farida said...

    عزيزتي f.s

    مش عارفه اقول لك ايه على مدوامتك
    شكرا بتسعديني
    و فعلا بدور على تعليقك

     
  • At 4:08 AM, November 02, 2006 , Blogger farida said...

    مختار العزيزي
    أكرر شكري لك
    أولا لتنبيهي السابق
    و ثانيا لإهتمامك و تعليقك الثاني حتى لو كان محاوره مع الأستاذ عبد الله

     
  • At 4:28 AM, November 02, 2006 , Anonymous Anonymous said...

    اللي بيحصل ده فضيحه

     
  • At 9:45 AM, November 02, 2006 , Blogger أُكتب بالرصاص said...

    إذا كان اللي حصل
    فعلا
    حصل

    يبقى على الدنيا السلاااااام

    ونقيم صلاة الغائب على الشهامة والنخوة
    وبنت حتتي مش عارف ايه على جثتي

    شكرا لفتحك ومناقشتك الموضوع

    واتمنى نعيد تربية القيم في اولادنا
    النخوة والشهامة

    يا ريت حتى نتعلم من الغرب او الشرق

    نشتريهم
    بس يرجعوا تاني

     
  • At 1:03 PM, November 04, 2006 , Blogger islamventura said...

    التحرش موجود من زمان جدا
    و انا نفسى من 15 سنة شفته فى الشارع امام مدارس بنات مسائية و كان شىء مثير للاشمئزاز
    انا رجل و اكيد لى ما لغيرى من كل المشاعر اذا كان النظر او الاطالة فى النظر او حتى الاشتهاء و لكن لا تعدو حد الاقتطاف و لكن حسب حالة البنى ادم النفسية و ان كان فى بعض الاحيان الزحام فى المواصلات و الالتصاق بشكل كامل لدرجة ان انى فى هذه الاحيان احاول بقدر الامكان ان ابتعد عن هذا الموقف الصعب جدا و لكن انا اتكلم عن نفسى و كما ترى دائما احاول ان اواجه نفسى او اكبح رغباتها و الحمد لله
    و الغريب جدا انك ترى فى المواصلات تترك السيدة مكانها بالعربات المخصصة للسيدات لتأتى و تركب فى العربة العامة و تختار هذا الخطر
    ترى دائما سيدة تكون وحيدة و مبتعدة عن مجموعة السيدات اللائى تجمعن داخل العربة العامة و لا يوجد مشكلة
    و ارى انه اذا كان هناك سبب فى ذلك ايضا تستطيع ان تضيفى نوعية لبس المرأة و اذا كان الشارع ملىء بذلك
    و هذا لا يعنى ان الجميع و لكن وسط الشباب و الذكور و لا اقول الرجال تجدى ثقافة اجتماعية جنسية واحدة بنسبة 90 % و هى تحدد شخصية المرأة من خلال لبسها و جسدها و نسب عريه و طريقة كلامها و بذلك اما يمين او شمال لا يوجد شخصية لها ما سبق من صفات سلبية فى طريقة اللبس و الكلام و لها سمعة جيدة
    و لكن اشعر بالحزن لعجز انسان عن دفع ضرر حل عليه من حيوان

     
  • At 10:22 PM, November 04, 2006 , Blogger farida said...

    اسلام
    حقيقي جدا ما كتبت

    تجدى ثقافة اجتماعية جنسية واحدة
    بنسبة 90 % و هى تحدد شخصية المرأة من خلال لبسها و جسدها و نسب عريه و طريقة كلامها

    و هو بالطبع لا يعد مبررا للتحرش
    لكنه حقيقي وواقعي

     
  • At 10:23 PM, November 04, 2006 , Blogger farida said...

    اكتب بالرصاص
    للأسف لا نخوه
    و قليل هم الرجال في هذا الزمن

    شكرا لتعليقك

     
  • At 9:54 AM, November 24, 2006 , Anonymous Anonymous said...

  • At 10:26 AM, December 11, 2008 , Blogger kuroe said...

  • At 2:56 AM, January 13, 2010 , Anonymous Anonymous said...

    topic15, [url=http://www.chop.edu/forum/user/profile/8207.page]klonopin without prescription[/url], ;-( zsi, http://www.chop.edu/forum/user/profile/8207.page klonopin without prescription :-(, [url=http://www.chop.edu/forum/user/profile/8208.page]xanax 2mg online[/url], :-) zzz, http://www.chop.edu/forum/user/profile/8208.page cheap xanax 2mg *sorry*, [url=http://forum.cprs.ca/default.aspx?g=posts&m=6]order adipex online[/url], :-) flz, http://forum.cprs.ca/default.aspx?g=posts&m=6 order adipex :-(, [url=http://forum.cprs.ca/default.aspx?g=posts&m=7]alprazolam without prescription[/url], :-( cbs, http://forum.cprs.ca/default.aspx?g=posts&m=7 buy alprazolam no prescription :-), [url=http://forum.cprs.ca/default.aspx?g=posts&m=8]ambien no prescription[/url], :-) owb, http://forum.cprs.ca/default.aspx?g=posts&m=8 order ambien no prescription :-)

     

Post a Comment

<< Home