farida and trying to be special

Thursday, November 02, 2006

الرجل و المرأه و لعبة الإغواء و الرغبه

كلام عجبني جدا لأنه واقعي جدا
من مدونة
اتجاهات في العشق و الحياه
هو اننا نعيش في عصر الاثارة الجنسية..و ليس في عصر الجنس.. فالجنس منذ الف سنة كان اقوي و اعنف و اكثر تنوعا من الجنس الان.. و في استطاعتك ان ترجع الي الف ليلةوليلة و ان ترجع الي شعر ابي نواس و الي منامات الوهرانيو الي قصور الملوك في فرنسا.اما العصر الذي نعيش فيه فهو عصر الاثارة الجنسية.. عصر بلبلة العواطف و تقليب المشاعر و تضليلها..الاغاني مثيرة و المجلات و الافلام كذلك
,,,,,,,,,,,,,,,,,,,,,,,,,,,,,,,,,,,,..
أعجبني الكلام لأنه واقعي و لأني أرى
لأن الله هو خالقنا و لأنه الأعلم بنا أمرنا بأمر لا يلتفت معظمنا لأهميته و لا ينفذه الكل
و هو غض البصر
رغم أنها أمور بديهيه
رغم تحضرنا ...من الغباء أن ننكر فتنة المرأه بالنسبه للرجل
و أن تركيبه العقلي و الغريزي يغلب عليه في النظر للمرأه كأنثى اولا
و أنه يرى جسدها أكثر مما يسمعها أو يدرك عقلها
هذا شيء لا يتغير
و لا يعني أن الرجال حيوانات
لا
إنها طبيعه يتحكم كل رجل فيها تبعا لتدينه ورقي أخلاقه
مثل طبيعة المرأه في حبها لإعجاب الرجل بجمالها
كل النساء يرضيهن إفتتان الرجال بجمالهن
و الدافع الأساسي من إهتمامهن بأنفسهن هو الرجل
شيء لا ننكره و لا يتغير و لا يعني أن المرأه شيطان و عوره و فتنه
لا
إنها طبيعه تتحكم فيها كل إمرأه بتدينها و أخلاقها
فمنا من تتجمل لزوجها
أو حبيبها
و منا المهووسه بجمالها الطامعه لإعجاب كل الرجال
هكذا خلقنا الله
ووضع لنا روابط
فأمرنا بغض البصر
و حفظ الفروج
لكن هذا لا ينكر الطبيعه و لا يلغيها
كل نهد أو ردف مثير ظاهر من إمرأه سيلفت النظر
و يكذب من يقول عكس هذا
لكن هناك من ينظر النظره الأولى و يغمض عينه عن الثانيه و هم قليل
و هناك من يبحلق
وهناك من يشتهي
و هناك من يحاول قطف ثمار شهوته
قصة إنظر لي على أني انسان مثلك و انسى أني إمرأه قصه مستحيله
ضد طبيعة البشر
و لا أكتب هذا لأدعو لحجاب النساء لأني أؤمن تماما أن الحجاب قرار شخصي نابع من المرأه حره في إتخاذه من عدمه لأنه لا أحد يحاسب نيابه عن أحد
لكني أكتب هذا فعلا لأنبه أننا في زمن إثارة الغرائز
و هذا شيء لن يغيره مقالتنا
لأن هذا الإنحدار الطبيعي للبشريه
كل ما نملك فعله أن نبدأ بأنفسنا
كبف نحكم على من يصنعوا الأفلام أو الأغاني أو الاعلانات
حكمنا الوحيد هو الإعراض عن المشاهده
الرجال ضعاف و مستفزين هذا صحيح و سيحاسبهم الله
لكن نحن النساء أيضا
كم إمرأه ذابت في جمال جمال سليمان!! و كم من الحورات عن هذا
يا جماعه دي طبيعه بشريه موجوده
لكن ما يثير في ما حدث في حادثة التحرش الجنسي ليس التحرش الجنسي في حد ذاته
لا
ما يثير التساؤل الموقف الأمني
و الموقف السلبي لكثيرين ممن شاهدوا الحادثه
هذا رأيي الشخصي أعلم أن البعض سيعترض عليه
لكن التحرش الجنسي في حد ذاته أشبه بمرض
ورم خبيث أدت إليه العديد من الأوضاع الخاطئه
كيف نستأصل المرض
و الطبيب غير مهتم؟!!؟
و المريض سلبي!!!؟
بالرغم من أن موضوع الإعترافات لا أعتقد أنه حل
لكن مقترحاتهم في بوستها الأخير{اتكلموا اتحركوا} فعلا قد تصل إلى حلول عمليه
و إن كان الأمن لن ينبع من حكومتنا فلنساعد أنفسنا بأنفسنا.
أنا نفسي سأشتري "سلف ديفنس" و ربنا يستر

Labels:

17 Comments:

  • At 6:15 AM, November 02, 2006 , Blogger عبدالله مفتاح said...

    على فكرة.. فكرة الدبوس ده او الالات الحاده عمليه جدا وياريت البنت تقطع الولد اللي يقرب منها مش تشكه بس
    والله جبتي من الاخر يمكن انتي عبرتي باسلوب رشيق جدا عن كل اللي انا عايز اقوله
    يمكن انا ساعات العصبية بتخلي الاسلوب يخوني
    بس بجد الاسلوب رائع ولو كنت مدير بي بي سي كنت نزلته كل يوم لمدة اسبوع:)))
    كلامك ترفع له القبعات احتراما وتوقيرافهو خال من التحيز
    تحياتي

     
  • At 10:28 AM, November 02, 2006 , Anonymous 7ayran said...

    من اروع ما قرأته في ردود البنات علي البلوجرز هذا المقال فعلا ان نعترف من جوانا ان الانجذاب نحو الاخر من طبيعي مش عيب هذا شيئ رائع الكل يعتقد انه قلة ادب و مش يصح و مش بيحصل و ده مستحيل طبعا
    اشكرك بشده علي البوست ده وفي انتظار افكار رائعه اخري

     
  • At 10:41 AM, November 02, 2006 , Blogger تجربتي said...

    و كانك بتقري الافكار يا فريدة
    النهاردة كنت بفكر في الموضوع ده و انا رايح الشغل
    قلبت في الوجوه وقلت لما اعمل اختبار لنفسي كده و لاقيت النتائج دي:
    - لبس البنات بقى حاجة صعبة جدا و نظرية "الاغواء" موجودة بنسبة كبيرةو التفنن فيها بقى واضح قوي
    - الانفتاح في التعامل بين الجنسيين بقى زيادة عن اللزوم و يمكن سقف المباح و الغير مباح بيعلى يوم بعد يوم, على سبيل المثال في المترو بيحصل اني بشوف بعيني الولد و البنت و هما رايحين الجامعة و كانهم رايحين رحلة خلوية ضحك و نكت و كفك.. طيب مش مشكلة هما احرار في نفسهم بس الشاب الغلبان اللي تعليمه على قده لما يشوف كدة ماهو لازم يقول في نفسه "البنت دي حلال يجرى فيها اي حاجة, ماهي اخر حلاوة مع الواد اللي معاها اهو"
    - لاحظت كمان انو كل شيء في حياتنا بيعتمد على استخدام انوثة الست في اي حاجو و كل حاجة و للاسف ده بيكون علشان الراجل دايما بيبقى صاحب القرار النهائي في الشراء او البيع او اي حاجة تانية و طبعا العامل الانثوي غني عن التعريف, قد اييه مؤثر في الراجل
    - اخيرا لقيت نفسي زي ما سووسة المفروسة كانت بتقول فعلا ان لو بصيت للبنت في الشارع بيبقى اغلب فكري و بصري على مبدا الجسد و الجنس فبل الحاجات التانية . طبعا زعلت قوي "للدرجة دي النزعة الحيوانية عندي مسيطرة قوي كدة؟؟!!"

    بس بعد كلامك عن ان الانثى دايما عندها اهتمام بنفسها لشئ غريزي عندها ناحية الراجل, حسيت بالراحة شوية لاني مش الوحيد السبب في المشكلة دي

    و شكرا لوقتك

     
  • At 11:10 AM, November 02, 2006 , Blogger Abdou Basha said...

    فعلا.. من أجمل التعليقات التي قرأتها عن تلك الحوادث
    تحياتي لكِ

     
  • At 1:23 PM, November 02, 2006 , Anonymous Familiar Stranger said...

    عزيزتي فريدة
    حاجة غريبة جدا بصراحة كل الكلام بتاع ان البنات لازم تتحشم أكثر، و الحجاب ثمة الحجاب ثمة الحجاب
    طيب! ليه محدش بيفكر ان زمان أيام جدتي و جدتك و أيام أمهاتنا كانوا مرهقات، الحجاب دة مكنش موجود. أنا دلوقتي حقول كلام صعب و أتمنى محدش يفهمني غلط

    أنا اسكندرنية و جدتي كانت بتلبس
    مايوه و تنزل شاطىء كامب شيزار العام مع أولدها ال5 و أخوتها و جيرانها
    بسئلها "يا تيتا! ازاي؟ محدش كان بيتعرض اليكم؟" تقول "ولا واحد يجرىء! كننا بنلبس المايوه و موضة المني جيب و
    طبعا انت عارفة قصة الشاب المعاكس اللي بيحلق على الزيرو لما يتأفش!" طب اشمعنا؟؟؟؟؟؟؟

    أتحداكي ان مفيش واحدة من اللي اتحرش بيها مكنتش محجبة!! دي وسط البلد يعني! مش مارينا

    طيب ليه الناس مش بتربط ان فيه علاقة مباشرة بين الفكر الحديث و "موجة" الحجاب و انتشار المذهب الوهابي و الفكر السعودي في تحريم كل ما هوه "أنثى" مع انحراف و هيجان الشباب؟؟؟؟

    طبيعة بشرية، لما كل البنات اتحجبت
    أصبحت كل المش محجبات صيع!! فبالتالي أصبحن يلبسن أكثر الملابس عراء "لغايت أما أتحجب" و الولاد اللي اترسخ جواهم ان الأنثى لازم تتغطى (مش تشتغل ولا تنتج ولا تربي لأ التركيز كله أصبح على التغطية)بالتالي أصبحت الأنثى "حتة لحمة" فهماني؟؟؟ و من هنا انتشرت أغاني الفديو كليب المقظظة و العراء الزائد في الأفلام!!!!!!!!!! كله متشابك يا فريدة و كله ينبع من فكرة واحدة: أن المرأء جسد، للمتعة!!!! ممكن أعرف زمان كانت البنات و الستات و الشباب أكثر أخلاقا ليه بالرغم من انعدام الحجاب؟؟؟ و ممكن أعرف الغرب بكل عرائه مفيش واحدة ممكن حد يعاكسها و لا يمد ايده ليه؟؟؟
    و ممكن أعرف ليه محدش قادر يربط الأمور دي ببعضها؟

    أنا مش ضد الحجاب ولاكن ضد "موضة" الحجاب اللي أصبح ظاهرة اجتماعية و ليست حرية شخصية تتعلق بعلاقة المرأة بالله. أنا ضد كل صحباتي المحجبات اللي بيعملوا علاقات كاملة و عمليات الترقيع أكثر من عمليات الزايدة اليومين دول
    أنا ضد كل المحجبات اللتي يتحايلن على الحجاب - بكل الكرانيش و السبانيش - و الميك الأب و اللبس الديق و كل ما يشد الانتباه وليس يحجب الأنظار! أنا ضد كل واحدة محجبة بتتعاكس - سدقيني يا فريدة لو كان الحجاب مظبوت أوي و كان مبني على رغبة دينية و روقي ديني كان أصبح عدد المحجبات أقل، و عدد العاريات أقل، و الأوضاع و العلاقات الأجتماعية صحية و نظيفة مش عايزة أقول و المرأة كانت حتعامل باحترام لكيانها و ليس لجسدها زي الغرب بظبط!!! الله يسامح الجميع فضحتونا و عرتونا أمام الغرب، و الأسلام أصبح للأسف أكثر الديانات فضايح

    أحكي ايه ولا ايه؟؟؟
    كل الناس اللي حتشتمني
    عايزة احكلكم على أكثر الدول احتشاماو حجاباو اسلام "المملكة العربية السعودية" و أنا وقتها كنت مقيمة هناك و شهدت الكلام دة بنفسي
    ايه رأيكم في ليلة فوز المنتخب السعودة بالكأس الأسيوي السنة الماضية لما ذهبوا للاحتفال في شوارع الرياض و أوقفوا سيارة فيها رجل مصري و زوجته و أخرجوها من السيارة و خلعوا ملابسها أمام جوزها المتكتف و رقصوا حولها عارية بعد رفعها على احد السيارات؟؟؟؟؟؟؟؟؟؟؟

    أنا أسفة اني طولت
    بس حسيب الجميع دلوقتي يقفل عنيه و يتخيل المشهد......
    تحياتي
    F.S.

     
  • At 2:10 PM, November 02, 2006 , Blogger salateenoo said...

    انحدار أخلاقي + غياب الوعي الديني + إنهيار الأسرة + الطبيعة البشرية الشريرة + غياب الأمن + سياسة القطيع

    = أحداث وسط البلد

     
  • At 2:37 PM, November 02, 2006 , Blogger Lasto-adri *Blue* said...


    لكن ما يثير في ما حدث في حادثة التحرش الجنسي ليس التحرش الجنسي في حد ذاته


    فريدة و ان كنت اتفق معك فى كل ما قرأت.. الا انى افتقد ذلك الآن
    اعذرينى...

    المشكلة ليست فى حادث عارض -من وجهة نظرى-.. انما فى ثقافة تنحدر من سيئ لاسوأ
    بغض النظر عن الموقف الامنى المتردى فى سلبيته الا انى آخذ الرواية كلها بهذا التفسير

    فى البداية كان الشباب يتحرشون بالفتيات فى الشوارع ببعض الالفاظ "يا جميل يا قمر" وكما شاهدنا جميعا فى اغلب الافلام القديمة.. ثم تطور ليصبح الشباب و الشيوخ و حتى الغلمان الصغار! ولم يكتفوا بالالفاظ.. بل امتى لافعال بالأيدى... ولكن السمة المشتركة انهم جميعا يفعلونها على استحياء.. فرادى

    اما الآن فأصبح عمل جماعى و فى العلن.. فى اكبر ميادين القاهرة
    فريدة الا يستوقفك ما حدث... حتى ولو كان مجرد اتفاق على مخاطبة الفتيات بالالفاظ ولم يحاولوا استخدام الايدى نهائيا؟؟

    انا اعجب لهذا البلد.. ماذا ينتظر بعد كل ذلك؟؟ ينتظر حتى يجدهم يكسرون أقفال البيوت و يقتحمون لاغتصاب امهاتهم و بناتهم و زوجاتهم من داخل البيوت؟؟؟

    فى رأيي... الوازع الجنسى ليس هو الدافع الرئيسى.... حقا
    وانما "فرد العضلات" او نوع من فرض الهيمنة على الشارع حينما فقدوا كل معنى للحياة السليمة

    ولكن نوعية الفرض ذات نفسها هى ما تقلقنى.... التحرش بالفتيات......
    فماذا بعد ذلك ننتظر كى نتكلم ونتحرك يا فريدة؟


    كلما تذكرت، اصاب بالاشمئزاز و الغثيان... فهذه ليست مصر التى أعشقها... ليست مصر التى اتمنى ان ادفن حت رمالها... وهذا الشعب ليس أهلى الذى تخيلت سابقا سيكون اول من يحتضننى اذا ما الم بى شئ

    والآن أرى غيرى فى هذه المواقف.. ولا من مجيب

     
  • At 3:37 PM, November 02, 2006 , Blogger عبدالله مفتاح said...

    Familiar Stranger said:
    اولا:التحرش موجود من ايام الخمسينات
    وياما ناس حكو ليا يمكن مكانش بشكل جماعي بس كان موجود وتقدري تسالي

    ثانيا: بلد زي فرنسا فيها اختلاط مقنن وغير مقنن وحرية جنسيه ويوجد بها تحرش وبعض السيدات نادت بتخصيص عربات لهن في المترو للوقاية من التحرش

    ثالثا: اعلى معدلات الاغتصاب موجوده في امريكا بالرغم من كل الحريات الجنسيه المتاحه

    رابعا: الحكاية بتاعت السعودية دي متحصلش الا عند (اليس في بلاد العجائب )لاني عشت في دول الخليج وتقريبا التحرش (باللمس)منعدم ايوة منعدم هقولها كمان مرة منعدم منعدم للصبح منعدم واللي بيتحرشوا مش من اهل البلد اصلا لان الشباب هناك بالنسبه ليهم بنت يعني انثى ..يعني عيب عليك تقرب منها
    والله انا مش بتحيز ابدا لكن فعلا التحرش في السعودية قليل جدا جدا جدا جدا يكاد لا يذكر
    ممكن جدا الولد يكون منحرف جدا لكن استحاله يتحرش بواحده في الشارع
    انا عشت في دولة خليجيه 15 سنه مشفتش حالة تحرش واحده ولا حاله شروع في تحرش عشت في مصر 8 سنين شفت كذا حاله تحرش وكذا حالة شروع في تحرش
    الموضوع ملوش علاقة لا بالوهابيه ولا بالحجاب والدليل ان التحرش كان موجود في الخمسينات وموجود في فرنسا وامريكا واعلى معدلات الاغتصاب في امريكا وكل عام وانتم بخير

     
  • At 9:31 PM, November 04, 2006 , Blogger farida said...

    الأستاذ عبد الله
    شكرا جزيلا
    و سعيده اننا اتفقنا تلك المره


    حيران
    الف شكر
    و انا في انتظار زيارتك و تعليقك

    تجربتي
    فعلا هناك نماذج كثيرة منحله
    لكن هذا لا يبرر ما حدث
    و أشكرك عبى تعليقك
    و صدقني مش الست هي السبب في اهتمام الرجل بها دي طبيعه
    و العكس صحيح

     
  • At 10:14 PM, November 04, 2006 , Blogger farida said...

    عبده باشا
    شكرا جزيلا

    f.s
    كلامك كله صح و انا فاهماكي بس للتوضيح انا مكنتش بدعو للحجاب
    و لا ببرر ان ده يحصل في غير المحجبات
    إطلاقا
    بس طبعا وجهة نظرك في محلها

    سلاطينو
    طبعا
    تحليلك منطقي

     
  • At 10:19 PM, November 04, 2006 , Blogger farida said...

    لست أدري

    أنا قصدت إن الحدث في حد ذاته له مؤشراته المسبقه
    مصر كلها في حالة انحدار
    الأغاني و كلماتها
    السلوك العام
    تدخين الحشيش
    إنعدام الأخلاق عند كثيرين
    التدين المظهري

    مش معنى كده اني بستهين بالحدث في حد ذاته

    لكن ما لا مبرر له عندي هو موقف الأمن
    و موقف الإعلام
    و موقف أي متفرج سلبي

    يعني ده رأيي الشخصي

     
  • At 3:54 PM, November 09, 2006 , Anonymous Familiar Stranger said...

    أستاذ عبد الفتاح
    أنا بقى عايشة في الخليج دلوقتي
    ايه رأيك؟
    لأ - و كمان لما حصلت الحادثة اللي حكيت عليها في السعودية - أنا كنت في الرياض وقتها
    و كان سعوديين هما اللي عملوا كدة
    أنا مش عايزة أدخل معاك في كلام طويل عريض لأن احنا واضح ان احنا من وجهات نظر و فكر عمره ما حيتفق
    و لاكن - اللي أنا عازة أقوله هوه ان ممكن دول الخليج مفيهاش تحرش - و لاكن السعودية هيه أكثربلد فيها. لو كنت حرمه ماشية في أي مكان محترم و مفيش حتة منك باينة عشان العباية الاجبارية لن تعطق من نمر التليفون اللي بتدحدف عليك - ولا الكلام القبيح - ولا اللمس و مد اليد

    أنا مش بقلف قصص أشتغل بيها الناس
    انا عيشت ده بنفسي

    بس صحيح انت مش بتؤمن بحاجة غير لما تشوف بعينك... معلش

    و كل عام و انت بخير

     
  • At 10:42 PM, November 12, 2006 , Anonymous Barracuda said...

    طرح متوازن جدا للموضوع ووجهة نظر موضوعية محايدة قليل ما نراها... تحياتي لمدونتك ورجاحة عقلك

    http://enbee-world.blogspot.com/

     
  • At 8:44 AM, November 27, 2006 , Blogger maged stephen said...

    فريدة
    الرجل يثار بالنظر أولا
    المرأة تثار باللمس
    على فكرة ده مش رأى شخصى لكن أحد الفروق بين الرجل والمرأة
    الرجل الذى يعى ذلك المفروض يجتهد فى ترويض وتهذيب نظرته للمرأة فتسمو نظرته لها الى ما هو أكثر نقائا وانسانية من مجرد جسد فقط
    أرى أن هذه بداية جيدة لكل رجل ولكن المفروض غالبا غير الواقع

     
  • At 4:20 PM, December 07, 2006 , Anonymous Anonymous said...

    يبدو انكى تريدننا ان نكون كهؤلاء
    شاهد الرابط لتعرف مصير المصريات

    http://www.youtube.com/watch?v=QFkblouoRjE&NR

     
  • At 4:20 PM, December 07, 2006 , Anonymous Anonymous said...

    يبدو انكى تريدننا ان نكون كهؤلاء
    شاهد الرابط لتعرف مصير المصريات

    http://www.youtube.com/watch?v=QFkblouoRjE&NR

    التوقيع
    مصرى للابد

     
  • At 6:29 AM, January 01, 2007 , Blogger NoHeal said...

    شكرا لك علي التحليل الجميل
    فعلا كلام موزون

     

Post a Comment

<< Home