farida and trying to be special

Saturday, November 04, 2006

هل أنت حشاش؟؟

كتب ماك بوست خطير عن ليلة الوقفه
يعجبني بساطة إسلوبه وواقعيته
كما أنه يشير للأمر الذي أريد أن أتحدث عنه منذ فتره
الحشيش
يا جماعه الحشيش منتشر بطريقه مخيفه
أولا يقولوا أنه ليس حراما لأنه لا يسطل و لا يذهب العقل
ثانيا يقولوا انه لا يٌدمن
ممكن حد يفهمني ليه الحشيش في مصر بقى عادي زي السجاير كده
حتى البنات بيجربوه
و لا أريد لأحد أن يتهمني بالمبالغه
لأن ما أقوله حقيقي تماما
هناك أمنيه أتمناها فعلا
أريد لكل الشباب أن يشاهدوا فيلم " الكيف" لمحمود عبد العزيز
و انا شخصيا أرفع القبعه لكاتب هذا الفيلم
الحشيش ده مين يقول انه حشيش خالص!!؟
مين يقول انه لا يحتوي على عقارات تؤثر بصفه مباشره على الجهاز العصبي!!؟
معظم الشباب جربه و يشربه {تفاريح}.....في المناسبات يعني
و أنا أعني هنا بالمعظم نسبة تفوق 95% أما الشباب المتيسر فقليلون منهم من لا يملك كيفه الخاص به سواء كان حشيشا أو أشياء أخرى
طبعا أمال يودوا فلوسهم فين؟؟؟؟؟
.................
يا جماعه الحشيش حرام
و بيدمن
و منتشر في مصر بشكل غريب
و عادي بطريقه مستفزه
و سيوافقني الأخوه الشباب على هذا ربما أكثر من البنات
و هذا البوست مجرد علامة تعجب
و شيء في صدري أود الفضفضه عنه
لا أطرح حلولا لأن الحشيش كيف قديم في مصر و قد أشار إليه نجيب محفوظ في العديد من رواياته كما نعلم جميعا و أبرزها و اكثرها تعلقا بالموضوع هي رواية {ثرثره فوق النيل} و التي حولت إلى فيلم
و لا زلت أذكر المشهد الكوميدي في فيلم" كراكون في الشارع"لعادل امام و هو يقول
انا شربت حشيش يا سعاد!!! ثم يترنح و هي تصوت
يالهوووووووووووووووي
.......................
مصر كلها بتشرب حشيش يا سعاد

Labels:

30 Comments:

  • At 11:59 PM, November 04, 2006 , Anonymous Anonymous said...

    shokran leky keteeeeeer ya farieda 3ala el kalam el gameel elly katabteholy...
    enty ka2enek bate2ry afkary le2any kont 3ayez akteb fe mawdo3 el mo7'adarat da we el 7ashesh belzat...de moshkela 7ases en el nas nesyetha aw tanasetha..ma3a enaha ba2et akbar men el awel...
    be2ezen allah ana karart ba3d enteha2 fatret el sh2awa beta3ty ma3a katb ketaby elly 7asal men yomen anny abda2 akshaf asrar ketera 3an el shabab 7ata el shabab hatla2y 7aba 2olayela menhom elly 3arfenha..we el asrar de 3an aham 7agten fe 7ayat el shabab ( el banat-el mo7'adarat)...
    el mawdo3 keber awy we atamana enna nesa3ed ba3d bema3lomatna fe el mawade3 de
    shokran mara tanya
    sa7e7 modawantek gamela awy
    hakamel 2erayetha now..
    take care
    bye
    mak

     
  • At 12:18 AM, November 05, 2006 , Anonymous Anonymous said...

    ana lesa me7'alas kerayet ba3d men el post beta3tek...we zay ma 2oltelek de awel mara...3agabetny besara7a tare2tek el sahla fe el kalam...we tanawe3 el mawde3 we tarkezek 3ala mashakel el ensan el 3ady we 7ayato...
    we da elly ana nawy a3melo insha2 allah
    beltawfe2 leky ya farida
    take care
    bye
    mak

     
  • At 2:35 PM, November 05, 2006 , Blogger abderrahman said...

    بشكرك يا فريدة إنك كتبتي عن الموضوع ده..
    والصدفة إني شفت حادثة امبارح بخصوص تدخين البانجو وكانت في الجامعة.. أنتي فكرتيني بيها النهاردة، للأسف إن الحاجات دي بتمر علينا دلوقتي من غير اندهاش بسبب ضغوط الحياة، وده اللي حصل معايا امبارح لدرجة إننا تقريبا نسيتها .
    يمكن مش أول مرة أشاهد حاجة كده، بس أول مرة أتواجه بيها جوا الجامعة، كان قبل كده ممكن في الشارع، أنا فاكر إني كتبت قبل كده عن المأزق ده واني شفت حاجات كتير كده في منطقتنا.. الموضوع ده مهم فعلا .
    **
    على فكرة بالنسبة للسؤال
    :)
    أنا مش حشاش.. ولاعمري أخدت مخدرات، أو ميا ولا بيرة حتى .
    وعايز أقولك إن فيه أوساط بيبقى اللي مابيشربش فيها بيبقى غريب، دي أوساط لازم الواحد يبعد عنها أصلا .. مهما كان المستوى المادي مرتفع أو متدهور .

     
  • At 7:56 PM, November 05, 2006 , Blogger karakib said...

    رصد لظاهره حقيقيه بجد يا استاذ فعلا اللي بتقوله الموضوع زاد عن الحد بشكل مخيف
    انتوك

     
  • At 8:44 PM, November 05, 2006 , Blogger Mongey said...

    عندك حف والله الحشيش كالماء و الهواء
    بجد اغلبية الشباب بيشربوا حشيش
    مش عشان حلرام و حلال و لا بيسطل و مبيسطلش
    و اكيد الي بيفكر يعمل حاجة غلط مبيفكرش في الجهاز العصبي
    صح و لا ايه

     
  • At 3:40 PM, November 07, 2006 , Blogger islamventura said...

    الغريب فى موضوع الحشيش الان فى مصر
    ان طبقات كتيرة و غريبة بتشربه و دون مشكلة
    بمعنى انه من الممكن ان يصبح الميكانيكى حشاش و المقاول حشاش و الان
    العاطل من الاطباء و المهندسيين و المحاسبين
    و الطلبة و البنات و على راى عدوية
    كله على كله
    اذا واجهتى شاربه تجدى ما لا يسرك
    لانه يشعر ان مدرك لكل شىء من حوله
    و لكن احساس الحشاش انه حالة زائدة من التوتر و لكن مع عملية كيمائية بيقوم بها الحشيش لعمل رفع للضغط ثم هبوط مفاجىء بالشكل الذى يصبح فيه البنى ادم فى حالة غير طبيعية او حالة من عدم التركيز او الانبساط و ذلك فى المرات الاولى و لكن بعد ذلك يصبح نقمة عليه اشد من الحالة السابقة و ذلك بسبب عدم القدرة للوصول لنفس الحالة مع شرب كميات اكبر و ذلك و الله العظيم ليس عن تجربة شخصية و لكن احساس صادق
    لا اقول لكى انى حشاش سلبى
    و لكن انا اجد ان نسبة كبيرة من اصحابى و زملائى يشربونه و لاصبح انا و واحد اخر قلة وسط هذا الجمع الكبير الذى اصبح الان هو السائد

    على فكرة الحل عندى
    اذا اقتنع كل واحد ان الحشيش مش فى مصلحته و ان لا داعى لتجربة النار كى اعرف انها تحرق
    و على فكرة ده مش كلام
    دى تجربتى

     
  • At 4:23 PM, November 09, 2006 , Blogger farida said...

    دماغ ماك
    شكرا جزيلا و انا رديت عليك في مدونتك
    و في انتظار كتاباتك عن الموضوع بواقعيه


    عبده باشا
    العفو يا سيدي
    النقطه اللي اثرتها هي احد الأسباب الرئيسيه لتدخين الممنوعات
    و هي
    اللي مابيشربش فيها بيبقى غريب،
    ساعات كتير الموضوع بيبتدي مجاراه للآخرين


    انتوك
    الغريب انه لسه في زياده
    و الموضوع فعلا بقى عادي

    شكرا لتعليقك

     
  • At 4:39 PM, November 09, 2006 , Blogger farida said...

    مونجي
    كالماء و الهواء!!!ممكن فعلا
    و فعلا عندك حق اللي بيشرب مبيفكرش في الصح و الغلط


    سيزار
    تعليقك جاب من الآخر
    جاب الفايده زي ما بيقولوا
    شكرا

     
  • At 4:42 PM, November 09, 2006 , Blogger farida said...

    الغريب
    حمد الله على السلامه
    قلقتنا
    بشكرك جدا جدا جدا على التعليق
    و عندك حق
    لما قلت

    و سبب الأدمان بيكون راجع لفقدان الهويه والفراغ وكذلك البطاله


    اتمنى اقرا لك جديد عن قريب

     
  • At 5:36 PM, November 09, 2006 , Blogger farida said...

    اسلام
    فعلا
    اذا اقتنع كل واحد ان الحشيش مش فى مصلحته و ان لا داعى لتجربة النار كى اعرف انها تحرق

    بس مين يسمع ده

    مش ملاحظ ان التعليقات قليله على الموضوع ده
    انا بقالي ايام مستنيه اجمع ردود افعال بس الواضح انه يا اما الموضوع بقى عادي و مفيش حاجه تتقال يا اما اللي بيقرا بيحشش و معندوش حاجه يقولها
    يا اما فاكرني بهول

    على العموم شكرا

     
  • At 7:07 PM, November 09, 2006 , Anonymous Anonymous said...

    زوروني عندي حاجة مهمة
    demaghmak.blogspot.com

     
  • At 7:27 PM, November 09, 2006 , Blogger Aladdin said...

    شكرا على الموضوع المهم و"المسكوت عنه" بشكل مزرٍ!! اللي الواحد خايف منه إننا نوصل لدرجة اليمن ويبقى الحشيش هوا "القات" بتاعنا ونقلع زروعنا عشان نزرع بداله "بانجو"!!!

     
  • At 9:30 PM, November 10, 2006 , Anonymous Anonymous said...

    فريده

    الحشيش مشكله خطيره هو والبانجو وبرشام الصراصير كمان
    ولدرجه ان ساعات بسال حد انت ايه مشكلتك مع الحكومه يقولى القرش ولو الحكومه توفر القرش لكل مواطن هتلاقيهم اخر مزاج وبرنسات المزاج والسلطنه


    فريده المخدرات هى هروب الشباب من واقع مؤلم الى وهم يستطيع ان يحصل من خلاله الشاب على ضحكه صافيه او دمعه حزينه على واقع مرير لا يستطيع الهروب منه المشكله فى واقعنا ومجتمعنا الذى ضاع الى الابد وانا لا ابرر للشباب شربهم للمخدرات او تعاطيهم المهدات اطلاقا فانا ضد شرب السجاير ولو كانت بريئه حتى وسيجاره بريئه تعنى انها بدون حشيش او بانجو

    لقد تخلفت مجتمعاتنا عندما استبدلنا دخان المصانع بدخان الشيشه والسجائر وضاعت البلد وسقطتت فى وحل التخلف والانحلال
    مصر ضاعت الى الابد ولا امل فيها

     
  • At 1:59 PM, November 12, 2006 , Anonymous Anonymous said...

    the 95% ratio is toooo exaggerated

     
  • At 10:07 PM, November 12, 2006 , Blogger مـحـمـد مـفـيـد said...

    فريده
    بوست رائع احييكي عليه انتي وماك
    بالفعل لا توجد اي ناصيه او شارع داخل مصر المحروسه الا وجد بها بانجو او حشيش
    وكانك في كولمبيا ولكن اشمعني ده االي هيمنعوا
    ده من مصلحه الدوله انتشاروا علسان الناس تنسي

     
  • At 1:55 AM, November 13, 2006 , Blogger حدوته مصرية said...

    فعلا يا فريدة كلامك مظبوط
    و انا برضه بلاقى حواليا اصحاب كتير بيشربو بس انا الحمد لله عمرى ما شربت

    المشكلة فعلا انهم مش بيطلو و ساعات بيفكرو يبطلو لكن مبيحصلش وساعات بيقولو ده عادى ومفيهوش حاجة
    حاجة تفقع

     
  • At 10:45 AM, November 13, 2006 , Anonymous Anonymous said...

    بقولك ايه يا فري
    لو مكنش الحشيش منتشر و سهل
    كان الشعب طأ!!!!!!!!!!!!!!!!!
    ده دي هيه الحاجة الوحيدة اللي لسة مخلية في الشعب المصري نفس يضحك و خفت دم
    و بعدين في ناس بتشرب من قديم الأزل و زي الفل - و كبره و عجزه و ماته زي البشر العاديين
    على الأقل معنداش
    drunk driving accidents
    الناس بتعيش بالحشيش عادي يعني

    خللي الشعب يعيش

     
  • At 10:48 AM, November 13, 2006 , Anonymous Anonymous said...

    حلوين أوي كل الشباب اللي قاله
    "بس أنا ولله عمري ما شربت لكن كل صحابي بيشربوا"
    LOOOOOOOOOOOOOL

     
  • At 6:30 PM, November 13, 2006 , Anonymous Anonymous said...

    غعلا الموضوع خطير ومهم ولازم نتصدى ليه بكل الطرق الممكنة
    وخايف ييجي يوم ونقول
    حشيش فايدة

    تحياتي

     
  • At 10:25 PM, November 15, 2006 , Blogger ابن مرّ said...

    الموضوع منتشر فعلا جدا حتى وسط الشباب للي هما المفروض حيبقوا دكاترة وبيكونوا عارفين أضراره كلها
    الفكرة في ان الحشيش يتساب في مواعييد معينة و في أماكن معينة
    لن أنسى في موسم الانتخابات اللي فات لما الحشيش كان بتوزّع
    كل ما اسمع الموضوع ده بفتكر حرب الأفيون والحسن ابن الصبّاح
    متهيألي كلنا عارفين مين من مصلحته الشعب ما يفوقش أبدا

     
  • At 7:46 PM, November 17, 2006 , Blogger ibndafallah said...

    ايه ياجماعة
    فين الحشيش ده انا مش شايف حاجة بلاش اشاعات

     
  • At 8:47 AM, November 22, 2006 , Blogger أُكتب بالرصاص said...

    في ايه يا فريدة يا اختي؟

    حشيش ايه وبتاع ايه ؟

    انا اخر مرة كنت فيها في مصر
    قعدت ادور على الحشيش في كل خن

    وكله بيقولي
    مافيش حشيش..
    البديل ينفع؟

    لاقيت البانجو مغرق السوق المصرية

    وهو المشروب الرسمي في مصر

    يا سلااام لو نجرب القات اليمني

    يا يعيني


    يا سعااااد
    انا عايز حشيش

     
  • At 10:09 AM, November 22, 2006 , Blogger islamventura said...

    عندما تشتد الدنيا و يشيع الغلاء فى كل المعمورة
    تجدى الحشيش متوفر اكثر من قبل ذلك و بالاحرى ممكن يحدث خدمة التوصيل للمنازل و لكن لماذا ؟
    اشعر ان هناك شبهة تسهيل
    يجب ان يكون هذا الشعب دائما مبسوط
    هناك ناس تريد هذا الشعب مبسوط دائما لا يعكر صفوهه هذه المشاكل الصغيرة كالغلاء او الخزى العام الذى يصاب به كل افراد الشعب من امور تبدو للبعض قليلى الخبرة انها فردية و لكن حقيقتها انها حالة عامة و لا يوجد شىء محسوب و حقيقة الامر اننا مش لازم نقوم و لا ننتج و لا ننفع و يصبح هدفنا و امكانياتنا فى الرقص و الغناء و الريادة من هنا فقط
    من يرى بلوة البلد دى تهون عليه كل حاجة
    انا كل يوم يوضع حجر كبير بينى و بين هذه البلد الى ان اصبح سور عظيم اخشى على علاقتى بهذه البلد من الفناء

     
  • At 8:52 AM, November 27, 2006 , Blogger maged stephen said...

    قال يا محششين
    يكفيكوا شر الكمين

    يا فريدة أنت فاكرة أن ده فعلا حشيش
    لأ طبعا

     
  • At 9:20 AM, November 27, 2006 , Anonymous Anonymous said...

    حشيش إيه
    الناس بتضرب بانجو و بتشم كله أرخص

     
  • At 8:07 AM, December 03, 2006 , Anonymous Anonymous said...

    خلاص معادش فيه غير الحشيش هو اللى مشكلة وخطر وكارسة على البلد طب راحت فين الحاجات التانية(رشاوى و اختلاس وبنوك مسرقة على وساطةوكوسة و بطالة وفقر وبنات كتيييير فى الرزيلة من قلة مفيش ولا الاوتوبيسات وقرفها عايز كمان ماشى يا سيدى وحكومة كلها هليبة وحراميةوكفاية دول بس انتا حيلوهوملى وبعدين مش حتلاقى حشيش يا سيدى بس انتا حليلى المشاكل دى ألأول

    طب ايه رأيك بقى أنا بشرب حشيش بقالى 8 سنين ومش هبطله وأصلا أبطله ليه العيشة ملل والدنيا زحمة والناس تايهة من غير حشيش أه يا بلد

     
  • At 5:20 PM, January 03, 2007 , Anonymous Anonymous said...

    مافيش احسن من الحشيش انا شخصياً اعرف سبع ديلرات شغالين دلوقتي غير المقبوض عليهم .... ياجماعه الحشيش حلو لو خابور او اتنين في اليوم اشطه سجاره اتنين لكان ماتعملش زيي وتشرب قرش او 2 في اليوم لوحدك خوابير بس ... ده انتحار انا من كتر السطل ماكنتش بفوق والكوبابه زيتت في يومين ... ,اهم حاجه الحشيش يبقى اصلي
    انا البانجو مش بنصح بيه علشان مش قد كده..... مش زي البني يامعلم فريده ونبي ياما دوري على حتى ناشفه....
    يانكي النجم

     
  • At 1:48 PM, January 13, 2007 , Blogger Batot said...

    fe3lan mafesh a7san men el 7ashesh enta btetkalem fe eah ana 3an nafse badrab kol yoom we ba5alle mazage zay el fol we 2a3raf badal el delar 10 we stuff zay el fol we kaman da keef bashawat , da 3'er en mesh 2ay 7ad yeshrab 7ashesh :) thnx , Batot :)

     
  • At 2:25 PM, February 02, 2007 , Anonymous Anonymous said...

    Hashish is made from Marijuana, and you can stop it anytime, and it does not have any chimical stuff, just see this video how to make it
    فيديو - كيف صنع الحشيش

    http://www.arabweeders.org/forum/index.php?topic=315.0

     
  • At 2:04 AM, February 23, 2007 , Anonymous Anonymous said...

    بص ان هقول لكم على حاجه نا كان بقالى اكتر من 12 سنه بشرب مخدرات شربت انواع كتير اوى من المخدرات لا تخطر على بال حد واللى معتقد ان فى مصر مشكله من الحشيش تبقى مشكله بسيطه المشكله اكبر من كده بكتير الصيدليات بقت دوليب والدولاب يعنى تاجر مخدرات عنده اصناف كميائيه كتير من كل شكل ولون وعلى العموم سوق المخدرات فى مصر داير حاليا على تلات انواع من المخدرات الرئيسيه واللى منها بتنتج البراشيم والشراب وانا شايف ان هى ديه المشكله وان كنت شايف ان الانواع المتداوله حاليا اقل خطوره عن قبل كده فالانواع الحاليه معظمها مسكنات قبل كده كان فى بلاوى بص اللى عايز حاجه هيجبها حت لو كانت فين وباى تمن . على فكره انا حاليا الحمدلله عرفت معنى الحياه والدماغ الصح و اتحدى اى حد يقدر يعمل دماغ زى بمليون قرش دماغ ربانيه هاديه مفيهاش نزعات شخصيه ولا تانيب ضمير فيها راحة بال واللى يقول انه بيشرب مخدرات علشان الظروف وقلت الشغل والعيشه اعرفوا ان هوا كداب ومغفل كبير دا لو وفر الفلوس اللى بيشرب بيها كان بقا عنده شغل ومصدر رزق والحمدلله انى كنت من المغفلين نعم كنت نعمه احمد الله عليها وعرفت ليه انا انسان مش حشاش حيوان معندوش عقل يفكر فيه فى خالق الكون ويعرف ان كل شى ف الدنيا ماهو الا سراب وزينه ملهاش اى لزمه ولاقيمه

     

Post a Comment

<< Home