farida and trying to be special

Saturday, September 02, 2006

خواطر ما قبل الرحيل

من علي
وقفت أرقبهم
من علي
و قفت أفكر
ماذا لو قفزت
كان لي حلم
و أنا صغيره
أن الملائكه تحملني
كلما قفزت من علي
إبتساماتي و آهاتي
كلماتي و كتاباتي
خلفي
لكن لا يد تمتد لتمسكني
و لا عين هنا لترقبني
فقط أنا و السماء و الأرض
و دمعي الشجي
شعري الغجري يدثرني
و ملامحي التي طالما عشقوا برائتها
يزينها ضوء البدر صديقي
و يربت على جسدي الفتي
مجنونة قالوا عني
و قلت أنا غجريه
أحيا أرقص و أغني
و أداري دمعي العصي
همساتهم بعيده
و لغوهم سراب
عشت بينهم وحيده
أنا و قلبي السخي
تلك الروح مسجونه
في جسد من طين
عذبها برغباته و آلامه
عذبته بخفقاتها و إختلافها
و صراعهما الأبدي
أنظر خلفي لأجد تعبي
أنظر فوقي لأري ربي
يا نور يا جميل
يا حبيبي يا الله
إرحمني
إرحم عمري الشقي
أنظر خلفي لأرى شبحي
أنظر فوقي لأرى روحي
أنظر إلى الملائكه تنظرني
و أنا أهوى... أهوى من علي

Labels:

26 Comments:

  • At 11:54 PM, September 02, 2006 , Blogger soosa el-mafroosa said...

    يا سلام يا فري

    ايه يا بنتي الأحاسيس دي

    انت اللي كاتباه ده؟ و الله في منتهى الجمال

    قولي تاني و تالت زهقنا من الكلام العدي و محتاجين حد يصرخ ..بس ليه حزايني؟

    بصي للدنيا بعين تانية ..مافيش حل غير كده

     
  • At 2:07 AM, September 03, 2006 , Blogger msafa said...

    احيكى على الاحساس العالى ده ... انا كنت طاير معاكى من فوق

     
  • At 3:03 PM, September 03, 2006 , Blogger Aoossa said...

    تعرفى
    أنا نطيت معاكى من فوق
    جميله أنتى

     
  • At 3:20 PM, September 03, 2006 , Blogger الغـــــــــــــريب said...

    عزيزتى فريده
    لا تهوى من علي
    فــ يدى اليكى مــمــدوده

    لاحظت حزنك فى بوستك الماضى
    وسعدت عندما ترجمتيه فى كلمات رقيقه
    وعبارات تحمل مشاعرى
    فكثيرآ ما اشعر أنى أهوى فى الفضاء
    فأسقط وتسقط مع ألامى لأتخفف منها
    فلقد أتعبنى حملها فجأت أتلمس الراحة
    فى كلماتك

     
  • At 5:05 PM, September 03, 2006 , Blogger moorgen said...

    حقا لمستى قلبى بكلماتك
    واحساسك الذى احسيتيه فصدقتى فى توصيله
    لكن لا يد تمتد لتمسكني
    و لا عين هنا لترقبني
    فقط أنا و السماء و الأرض
    و دمعي الشجي

    عندما ينتابنى الشعور بالوحدة انظر الى السماء وارفع يدى الى الله فهو ونيسى وسامع نجواى
    فليرحمنا الله
    واتمنى ان تسقط احزانى والامى واظل انا
    تحياتى

     
  • At 8:29 PM, September 03, 2006 , Blogger حــلم said...

    فريدة

    لمستى شيئا ما بداخلى

    كلنا كدنا نسقط من عل فى لحظة ما

    كلنا .. أنت

    وما عبرتِ

    سعدت بالوجود عندك هنا

    واتمنى لك السكينة

    ولى معك

     
  • At 9:30 PM, September 03, 2006 , Blogger AZ said...

    على مين :)
    اسمها من عل اللام تحتاه تنوين مكسور وتنطق من علن

     
  • At 9:44 PM, September 03, 2006 , Blogger ...دنيتي said...

    يالا حلا بالا بالا هنوا ابو الفصاد هيكون عيد ميلاده الليلة اسعد الأعياد
    هنوا ابو الفصاد
    هيييييييهههه







    يا جماااااااااااعة انهاردة عيد ميلاد فريدة

    كل سنة وانتي طيبة يا جمييييل وعقبال 100سنة
    وان شاء الله تحققي السنة دي كل اللي نفسك فيه :)

     
  • At 11:36 AM, September 04, 2006 , Blogger دعاء غريب said...

    اسلوبك حلو قوي

    وكل سنة وانت طيبة عقبال 100 سنة

     
  • At 12:35 PM, September 05, 2006 , Anonymous Familiar Stranger said...

    Farida....

    I am sorry.

    Happy Birthday sweet child of mine.
    F.S.

     
  • At 5:35 PM, September 06, 2006 , Blogger Jannah said...

    بس حبيت اقول لك ان البلوج بتاعك حلو جدا
    كلامك ممتع و مفيد

    الله يزيدك و يفرح قلبك

     
  • At 10:35 PM, September 06, 2006 , Blogger ادم المصري said...

    انا كنت بحلم كده برده

    لكن لما وقعت واتخبطت عرفت انه حلم وعمره ما هيكون واقع ابدا

     
  • At 1:49 AM, September 07, 2006 , Blogger Epitaph said...

    الله عليكي

    ماشاء الله

    حلوووووووة

    يا حبيبي يا الله
    ارحم عمري الشقي

     
  • At 1:59 AM, September 07, 2006 , Blogger الغـــــــــــــريب said...

    كل عام و أنت بخير
    كل عام وأنت فريده ومتفرده بأسلوبك الأخاذ ومفرداتك الجميله

     
  • At 3:03 AM, September 07, 2006 , Blogger farida said...

    سوسه
    انا دلوقتي أحسن ببص بتلات عيون جايز اللون يتغير
    شكرا يا ستي و ايوه انا اللي كاتباه

    مسافه
    الف شكر ..هو انت اللي كنت جنبي ووقعت قبلي .. عامل ايه دلوقتي

    أوسه
    لما أنط مع قمر زيك الملائكه لازم تشيلنا

    الغريب
    عندما قرأت تعليقك نزل علي بردا وسلاما.. هناك شخص قال لي يدي ممدوده إليك ...أشكرك حقا

    مورجان وحلم
    شكرا لكما
    و لأمانيكم الحلوه

     
  • At 3:19 AM, September 07, 2006 , Blogger farida said...

    دنيتي

    شكرا ليكي انك افتكرتي
    كل سنه و انتي بألف صحه وسلامه

    دعاء و f.s

    كل سنه و انتوا طيبين


    jannah
    welcome
    i took a look at ur blog i like it but i'll comment whenb i have time
    thanks for your visit i'm happy to have a new friend here

     
  • At 4:13 AM, September 07, 2006 , Blogger ABO EL HAOL said...

    ايه يا ست فريده الرومانسيه اللي انتي فيها دي؟

    و ايه الحزن الجامد ده
    في الحقيقه هو كلام جميل و إحساس رائع بس عايزين رأيك في مواضيع عامه
    و ياريت المره الجايه تكون قصيده كلها سعاده

     
  • At 2:20 PM, September 07, 2006 , Blogger Ezz said...

    فريدة الرائعة: تصدقي أنا كان نفسي أسمي بنتي فريدة بس طبعا رضخت لقرار زوجتي عندما نظرت لي تلك النظرة الشريرة الحمراء المرعبة و قالت "إشمعنى فريدة يا خفيف" رديت و قولتلها على اسم الملكة فريدة، قاليتلي إنسى، الحكم مابقاش ملكي.. المهم يا سيدتي الجميلة..كل سنة وأنتي طيبة.. ملحوظة: لا يستطيع رجل مهما بلغ من أن يرحم عمرا شقيا..دمتي لنا جميلة رائعة. عز

     
  • At 8:30 PM, September 07, 2006 , Blogger sara said...

    حلوة اوى حاسه انك انتى فيها
    فاهمه ؟ يعنى حد بيحاول يكون نزار وواحد بيحاول يكون جويده بس انتى كده فده شئ انا بحترمه فى الاسلوب ..والفكرة ولاحساس عجبونى

     
  • At 10:01 PM, September 07, 2006 , Blogger مـحـمـد مـفـيـد said...

    وضعت يدي علي خدي وفكرت ماذا اقول لكي بعد ما قمتي بهذا البوست الجامد فلم اجد والله

     
  • At 9:57 PM, September 08, 2006 , Blogger ادم المصري said...

    اظاهر ان تجاهل بقي عادة من قبل الكثيييرين

     
  • At 2:04 AM, September 09, 2006 , Blogger farida said...

    عادل المصري
    أنا لم أتعمد تجاهلك
    و لا تجاهل
    a.z
    لكن انا علقت و كنت حكمل و بعدين اضطريت أمشي و جه أبو الهول علق بعدي
    فبان كأني تجاهلت
    و الله أنا لولا الوقت كنت رديت اول بأول


    و العتاب معناه إنك ممكن تتصالح
    و انا يا سيدي مايهونش عليا زعل اي حد بيزورني

    و الله انا بكون سعيده جدا لما ألاقي تعليق
    و لولا الوقت
    لاحظ أني متزوجه و أعمل

    على العموم العتب على الوقت
    و سماح

     
  • At 2:16 AM, September 09, 2006 , Blogger farida said...

    az
    علي ده الواد اللي كان بينادي عليه أحمد حلمي في أغنيته مع ريكو

     
  • At 2:38 AM, September 09, 2006 , Blogger farida said...

    ابو الهول
    مرحبا بك
    و شكرا

    ezz
    شكرا لك
    جوزي أول ما اتخطبنا كان يناديني نوسه و ده دلع بعيد عن إسمي
    برضه سألته " إشمعنى" لكنه أكد لي أنه عادي
    علشان انا ننوسة قلبه
    أصل الرجاله كلها يا عز ليها حبايب قبلنا
    و ده بيضايق الست مهما كان مخها كبير
    إعذرها يا سيدي
    و الحكم فعلا مبقاش ملكي
    بقى قهري

     
  • At 2:40 AM, September 09, 2006 , Blogger farida said...

    ساره و محمد مفيد
    أخجلتم تواضعي
    و الله قلبي بيرقص من الفرحه لما ألاقي صدى لكتابتي

    أهلا وسهلا بيكم و شكرا جزيلا

     
  • At 5:18 AM, October 09, 2006 , Anonymous Anonymous said...

    http://wa7ed-mn-zaman.blogspot.com/
    روحى هنا وشوفيه وقوليلى رايك ولو عندك البت ديه اللى هى
    catwoman
    انا ممكن اشيل

     

Post a Comment

<< Home