farida and trying to be special

Sunday, September 10, 2006

كلنا ليلى............و ليس الذكر كالأنثى



عندما عرضت علي "مس بلو" لست أدري الاشتراك في كلنا ليلى


كان أول ما سألتها أني لا أريد لمدونتي أن تتحول إلى مدونه عنصريه نسائيه
لأني و بصدق و كما قلت من قبل أكره النظر للأمور من منظور عنصري
سواء كان جنس أو دين أو حتى جنسيه
لكن عندما شرحت لى الهدف و أنه يوم نتحدث فيه جميعا
أعجبتني الفكره لأن هناك وجهة نظر لي كنت أود توصيلها
لكني كنت أعلم أن نظرة بعض الرجال لنا قد يكون فيها نوع من ضيق الأفق
و ربما التطاول .. لأن الرجل إعتاد هذا إذا ما وجد المرأه تتكلم عن وضعها
إعتاد السخريه و إلصاق التهم بها كالإسترجال أو الإنحلال
لكن طبعا هذا ليس حال كل الرجال
هناك من قرأ وفهم
هناك نقاط هامه أود أوضحها فيما يخص وجهة نظري الشخصيه
أنا لا أطالب بما يسمى المساواه بين الرجل و المرأه لأن الرجل و المرأه مختلفيين لا يتساووا أبدا .إلا في الحساب على الذنوب و المعامله الطيبه بمعنى أنه كما يجب على المرأه إحترام الرجل يجب على الرجل إحترام المرأه و حسن معاشرتها
لكن في الميراث و الشهاده هم لن يتساووا و هذا ليس لأفضلية الرجل على المرأه و لكن لحكمه أرداها الله " قد نتكلم عنا فيما بعد"المهم
أنا مقتنعه تماما بوجوب طاعة الرجل و إحترامه سواء كان أب أو زوج
و لا أطالب تربية الولد مثل البنت
لكني أريد تربيتهما على أسس دينيه أو أخلاقيه واحده
و في البدايه
طبعا الملاحظ أني مسلمه
لكني مقتنعه أن قيم الدين المسيحي لا تختلف عن قيم ديننا
و إن كنت أستشهد بآيات من القرآن فهذا بحكم ديانتي لكني أتمنى ما أتمناه للمرأه في مجتمعي أيا كانت ديانتها
عندما كتبت رسالتي الإفتراضيه و التي عبرت فيها عن مخاوفي لإنجاب بنت
و هي رساله خياليه لأني لا أملك تحديد رزق الله من بنين و بنات
و لأني راضيه بما يكتبه الله
المهم
عندما كتبت تلك الرساله
كان هناك وجهة نظر محدده أود التعبير عنها
و هي أن إزدواجية مجتمعنا هي ما وصلت بنا إلى ما نحن فيه
عندما أنجبت إمرأة عمران "مريم" قالت "ليس الذكر كالأنثى" و هذا شيء صحيح و طبيعي و أنا أؤمن به تماما
و أراد الله أن تكون تلك الأنثى هي أحسن و أطهر نساء العالمين
ليس الذكر كالأنثى
هذا صحيح
و جميل جدا
و ياريت كلنا رجال ونساء نفهم هذا
أنظروا إلى حال النساء اليوم
معظمهم يعملن
و لقد قرأت بعض تعليقات الرجال تتحدث عن عمل المرأه و كيف أنه "بهدله " لها
و ده صحيح فعلا
لكن فكروا معي .. لماذا وصلت المرأه العربيه إلى تلك البهدله
ليس لأنها مسترجله
و لا لأنها تهوى البهدله
لكن لأننا طبقنا مفاهيم ديننا غلط
قديما كانت المرأه في البيت
جميل
و الرجل يصرف عليها و يلبي كل إحتياجتها
جميل
و معظم البيوت ميسورة الحال كان بها خادمه أو إثنين
إيه الجمال ده
و كل طلبات المرأه تأتيها دون مشقه
إيه الحلاوه دي
كانت المرأه تربي الأولاد و تأخذ بالها من كل كبيره وصغيره في شئون الأسره
كل ده جميل
و كل ده واجب الرجل الحقيقي في الإسلام
أن يكفلها و يعزها
لكن الرجل و المجتمع طبق هذا بإزدواجيه
كيف؟؟؟؟
في مقابل ما كانت تعيشه "الست أمينه" مع سي السيد كما يطلق البعض على تلك الفتره
في المقابل
في مقابل أنها جاهله و لا عمل لها
كانت البنت تزوج دون أخذ رأيها
و هذا ضد الشرع
و كان الطلاق من المحرمات رغم أنه في الدين من المبغضات
و كان من حق الرجل أن يتزوج عليها
و ليس من حقها ان تتركه لهذا كما كتب لها الشرع
و كان الرجل لو شرب أو خان أو أساء معاملتها
فهو رجل و هو زوجها الأبدي
حتى المطلقه أو الأرمله
كيف ينظر لها المجتمع لو تزوجت بعد زوجها و هي أم الأولاد
ماذا يفعل بها أهل زوجها و زوجها لو كانت مطلقه
كيف ينتقص مرور أكثر من رجل " في الحلال بالزواج" على حياة المرأه
رغم أن الإسلام لم يشر بإنتقاص إلى زواج المطلقه أو الأرمله
لأنها لازم تتزوج
لأن تلبية إحتياجتها الجسديه و الماديه في الدين أمر واجب
حتى الرسول تزوج المطلقه و تزوج الأرمله
لكنه مجتمعنا بإزدواجيته
و بعد مرور أعوام من تلك الإزدواجيه و هذا القهر
كان يجب على المرأه أن تتحرر ماديا من الرجل
لأنه قهرها بما هو حق لها
فوصلنا لهذا اليوم الذي تتمنى فيه أي إمرأه رجل حق يعيلها و لكن في المقابل يحسن عشرتها
لكن حتى تلك التي يكفلها زوجها و لا يأخذ شيء من أموالها الخاصه
تعمل لأنها لا تضمن الزمن
لأنه لا قدر الله لو مات زوجها أو تزوج عليها أو طلقها و هي لا تعمل ستكون تلك مصيبه عليها و على أولادها
كم من القضايا المختصه بالنفقه
كم من الرجال يستبحن نفقة النساء و لا يصرفوا على أولادهم
رغم أن الله حذر من أخذ ما آتيتم النساء
كم من الأوضاع المغلوطه
جعلت المرأه تتسلح بالعلم و العمل
و أنا عندما أتحدث .. و أحب أؤكد على تلك النقطه ..لا أعمم
أنا لا أقول الكل أنا أقول الغالب
كان الغالب أن البنت تتزوج دون رأيهاو تحرم من التعليم .. و لاتتطلق مهما كان سوء الرجل.. و يتزوج الرجل بأكثر من واحده دون موافقة المرأه و بالمناسبه زواج الرجل حقه لكن ترك المرأه الرجل إن لم تحتمل هذا حقها أيضا
كان الأرمل يتزوج على الأربعين كما يقولون
و يعاب على الأرمله الزواج
كان الرجل يطلق فلا يعيبه هذا في شيء و تحمل المرأه المطلقه عار الدنيا
كل تلك الأوضاع المغلوطه
التي كما قلت من قبل كال فيها المجتمع بمكيالين لا مكيال الحق وحده
جعلت المرأه تتخبط محاولة في دفع الظلم عنها
إن أشد ما يؤلمني نظرة الغرب لنا و لديننا و لرسولنا
لأننا ضربنا لهم أسوأ الأمثله عن العلاقه بين الرجل و المرأه
بإزدواجيتنا المخزيه
الغرب الذي إبتعد عن الإزدواجيه بإلتزام الإنحلال ..نعم... ساروا على نهج اللا نهج.. لكنهم كالوا فيه بمعيار واحد
نحن لا نتمنى أبدا أن نصل للغرب المنحل
كلنا ليلى
ليلى التي تتمنى أن نلتزم بمنهج الدين
لنضرب مثلا على الرقي في اهم علاقه علاقة الرجل و المرأه
و نقول نعم الرجال قوامون على النساء
و النساء هن سكن الرجال
و هن أمانة الرجل التي سيسأل عنها عند الله
سواء كانت امه أو أخته او زوجته أو إبنته

Labels:

19 Comments:

  • At 3:28 PM, September 10, 2006 , Blogger عبدالله مفتاح said...

    كلام جميل

    بس انا مقلتش سعاد حسني بوظت البنت الله يكرمك
    2- انا قلت ( سوسة المفروسةلفتت النظر للبنات اللي اتربوا على سعاد حسني وكلامها وده اول حاجه سببت خلل عند البنت سعاد حسني ومشاهدها واحترام المجتمع ليها طيب اشمعنى هيه عيب وسعاد حسني نجمه)
    واظن اللي اقصده واضح انا قلت خلل مش بوظت واظن بردو انك موافقاني.

    يعني اللي مدايقني الحركة والكلام زي ما يكون البنات في مصيبة ولازم نلحقها

    عمليات الشحن المعنويه دي في حد ذاتها سلبيه
    على العموم
    نظرتي مش سطحيه ولا حاجه انت اتكلمت عن بوست سوسة المفروسه كنموذج وكلامي فيه واضح واظن انه عميق مش سطحي
    وانا رايي بدل ما نعمل حملة انا ليلى نعمل حملة قيام الليل مثلا
    والله فكرة هايله يوم كده نتفق اننا هنقوم الليل
    مش احسن بردو

     
  • At 5:13 PM, September 10, 2006 , Blogger Lasto-adri *Blue* said...

    فريدة رائعة فى سرد رايك كالمتوقع
    انا -عن نفسى- مؤمنة بكل حرف مكتوب فى التدوينة دى

    المرأة المفروض يكون اثباتها لنفسها مش بس فى العمل برة،،، ولكن بتغيير نظرة المجتمع لعملها الأصيل..
    هى مستحيل تكون زى الرجل مش لان الرجل افضل، ولكن لانهم الاثنين تكوينيا من بداية الخليقة مختلفين
    بالظبط كل واحد 24 قيراط بس متوزعين باختلاف... يعنى الرجل زى المرأة مش بالمعنى الحرفى الاتنين يناطحوا بعض، ولكن ان مافيش حد اعلى من الآخر باى درجة

    ويوم كلينا ليلى بجد مش ضد الرجل، بالعكس فى مفاهيم عند السيدات (تنقط و تشل) بتشجع اكتر على الفكر الذكورى ان الاخت تخدم اخوها! وحتى فى بعض الاحيان تلاقى عائلات الام (بتنخ) للابن بحكم انه رجل!
    بالله عليكى، ايه اللى يزيده عنك !!!!


    اما للاستاذ عبد الله
    فكرة كلنا نقوم الليل فكرة هايلة و لو انها مش منطقية -فى رايى الشخصى-
    لان قبل ما تقوم الليل فكر تعدل فى المعاملة،،، ماتنمشى و انت ظالم انثى بتفكير راديكالى متعصب ان الرجل افضل من المرأة
    اظن كدة انت خدمت نفسك و خدمت غيرك احسن


    ثم انما اليوم مش ان البنات فى مصيبة و تعالوا الحقوا... اقرأ كلام "ليلى" بفهم و ادراك اعمق من كدة راح تفهم ليلى تقصد ايه من "كلنا ليلى"

    والسلام ختام

     
  • At 6:19 PM, September 10, 2006 , Blogger حــلم said...

    فريدة
    لعلك وضعت يدك على حلقة مفقودة وهى الفروق الجوهرية بين آدم وليلى
    وهل كل ليلى تتمنى المساواة
    لم أظن ذلك أبداً
    وأكدتيه بسردك الجميل

    لان ليلى وان كانت صنعت ضجة ليُسمع صوتها فهى لا تبغى من ورائها ان تعلو برأيها وتهمّش دور آدم الذى يقره الدين

    سلمت ايديك

     
  • At 9:59 PM, September 10, 2006 , Blogger Jannah said...

    رغم انى اختلفت معاكى شبه كليا فى رسالتك الأخيرة لإبنتك- الله يرزقك بالذرية الصالحة يا رب

    فإنى متفقة معاكى فى كل كلمة قولتيها فى مدونتك دى.

    نقرأ لك على خير
    والسلام

     
  • At 12:13 AM, September 11, 2006 , Blogger bluerose said...

    جميل جدا يا فريدة
    بجد جميل و موضوعي
    اتفق معك تماما

     
  • At 4:39 AM, September 11, 2006 , Blogger عبدالله مفتاح said...

    مبدئيا : بعتذر اني كنت بقول فريده كنت فاكر انك من سننا

    ثانيا انتي كنتي من اللي زعلوا من سيرة نوال سعداوي مع ان (أنثوي و خطأ ذكوري
    نعم يا حبيبتي كل شيء مغفور للرجل و لا يغفر للمرأه
    نعم سيعدوا عليكي أنفاسك و لفتاتك و حركاتك
    و سيتركوا شقيقك يرتع في إختلال مراهقته
    لكن أنت ..لن تكوني أبدا مراهقه
    ماذا؟؟.. و ماذا لو لم تسيري على قوانينهم!!؟؟
    سيحاكموكي و يلوكوا سيرتك على الألسنه
    نعم يا عزيزتي
    هنا البنت المفروض ألا تحب قبل زوجها و الرجل يحب مائة مره و يمارس الجنس قبل الزواج
    لماذا؟
    البنت لا تمارس الجنس قبل الزواج لأنه حرام يا حبيبتي لأنه زنا حرمه الله
    الرجال!!!؟ حرام للرجال أيضا لكن .. أصل.. كل الشباب بيصاحب عادي .. و لا يعيب هذا أحد و العلاقه يجب أن يكون فيها جزء جسدي ..و ...!!...نعم يا ستي حرام لهم أيضا
    الزواج!!!؟.. نعم في الزواج هو عالم الرجل أيضا
    الطلاق؟؟ لماذا الطلاق؟؟ لم تتوافقوا ... بارد .. لا يفهم إحتياجاتك.. عصبي .. نكدي... لا يا حبيبتي
    سيسألوكي .. خانك .. بيشرب .. دخلتي غرفة نومك لتجديه مع أخرى .. بخيل لدرجة الشح ؟؟
    ستقولي لا .. سيقولوا لك
    كل الرجال عصبيه.. كل الرجال نكديه . كل الرجال لا تفهم و لاتحاول أن تفهم
    الطلاق في مجتمعنا للمرأه عذاب لا يطاق
    و أنا أخشى عليكي إن أتيت بك و سلمتك لرجل من هذا المجتمع
    ألا يتفهمك و يأتي لكي بالدمع و الأحزان
    و قتها حبيبتي لو طٌلقتي
    ستشاهدينه -حسره- يتزوج بعدك فتاة بكر صغيره
    و ستجدي نفسك ملزمه بقبول من لا يناسبك سنا و لا ظروفا
    لماذا؟
    لأن المطلقه حبيبتي .. معيوبه.. فقدت عذريتها و فقدت إحترام المجتمع لها لأنها لم تعش
    الخيانه؟؟
    لو خانك زوجك .. هذا شيء فظيع قطعا .. لكن ستجدي مائة من يقول لك سامحيه لأجل الأطفال .. سامحيه لأجل حياتكما
    المرأه .. تخون!!!؟ .. لا يا بنتي و من يسامح فعلة نكراء كهذه
    مستضعفين نحن النساء في هذا المجتمع .. نعم يا ابنتي
    إني لا أضمن لك أن آخذ لك حقك في العمل و التعليم
    لأنه ببساطه في العمل وسط الرجال
    إما أنك مهضوم حقك لمجرد أنك إمرأه
    أو انك جميله جدا و هم لا ينظروا إلا لهذا الجمال
    و قد تدفعي ضريبة جمالك بأن تجاهدي محاولاتهم لحصرك في هذا الإطار
    بل أحيانا كثيره تحرشهم بك
    و قد يحالفك الحظ و تأخذي حقك بإحترام
    لكني لا أضمن لك حقك لو تحرش بك رئيسك بالعمل
    لأن سمعة المرأه في هذا المجتمع ككوب كريستال غاية في الرقه
    أقل خبطة عليه قد تهشمه.. أحيانا يلقوا بجزء من اللوم على المرأه التي تحرش بها الرجل
    نعم حبيبتي قد يحاكمك هذا المجتمع فقط لكونك جميله و غير متحجبه
    مهما كنتي محترمه)

    كوبي ...بيست من كتابات نوال
    ودي كمان كوبي ...بيست من كتابات نوال(من كلمة
    "عيب انتي بنت"
    من سؤالك عن شقيقك ليقال لك " هو ولد".. هذا هو مجتمعنا حبيبتي
    و لا تتعجبي إن وجدتي النساء أكثر حرصا على تلك المفاهيم من الرجل
    فهكذا تٌنشأ هنا النساء
    و هكذا تٌنشأ بناتها لأنها مسيره تحت سطوة المجتمع
    و هكذا تنشيء إبنها ليكون جزء من المنظومه الذكوريه الإستبداديه)

    كل الكلام ده ومش عايزاني استغرب ولا اعتب؟
    يا ربي اذا اللي فاهمين في الدين يقولوا كده امال اللي مش عندهم خلفيه عن حاجه يقولوا ايه؟
    انا نفسي افهم حاجه اذا كان الولد في مراهقته مش محترم ومش كويس؟
    لازم البنت تبقى مش محترمه ؟؟؟؟؟
    طيب اذا كان الولد مش محترم في مراهقته متسيبوا البنت محترمه
    مالكم ومال نظرة المجتمع للبنت ؟؟؟
    اللي تفشل في تربية بنتها تروح قايله العيب في المجتمع لو بنتي ولد مكنش حد هيبصلها النظرة دي
    وليمكن تعترف انها فشلت في تربية بنتها
    يا جماعه الموضوع بسيط العلاقات قبل الزواج مرفوضه سواء للولد او للبنت معنى ان المجتمع بيبص للولد غير البنت ده ميخليش البنت تعمل علاقات وتقول لازم المجتمع يغير نظرته للبنت (لان كل بنت منحرفه دلوقتي تلقي بالشماعه على المجتمع)ومتقلش انا منحرفه دي تقول المجتمع بيبص للبنت غلط مع ان هيه اللي غلط
    كلامك اللي فات ده كله مش شحن يا استاذه فريدة؟
    المفروض المحاولة تكون تجريم نظرة المجتمع لغلطة الراجل مش تهوين نظرة المجتمع لغلطة البنت
    مش موافقاني بردو يا استاذه فريدة
    مش ان محاولة تهوين غلطة البنت بتتم على قدم وساق وان كلامك ساهم في هذه العمليه ؟؟
    نهاية انا مش عايز كلامي يضايقك والله
    بس انا بقول كلام في نفسي عشان نعرف الغلط فين؟
    اظن يا استاذه ان الفرق واضح لما كتبتي التدوينه السابقه لهذه التدوينه لاقت ترحيب رائع وفوق ال30 تعليق في يوم من الفتيات
    اما هذه التدوينه المنصفه فحصيلة يوم كامل لم يعلق سوى اربعة فقط هم ابدوا تاييدهم لك
    عرفتي بقا انا اقصد ايه
    اظن اللي اقصده واضح جدا جدا جدا
    اللي انتي فاهماه غير اللي هما فاهمينه
    عرفتي ان كان معايا حق اني اضايق ؟
    عرفتي ان كلمة الحق
    ممكن بعد كلامي ده تلاقي الترحيب زاد
    لكن انا حبيت الفت نظرك لان كلمه الحق مش بتعجب
    في النهاية بعتب عليكي عتب على خفيف عشان قلتي عند بلو اني مش هقتنع واني بتكلم باسم الدين
    طيب في مدونة سوسة على سبيل المثال(مع كامل احترامي وتقديري وتوقيري لسوسه) هتلاقيها اعتبرت ان تربية والديها ليها غسيل مخ ودللت على كلامها بايه بقا؟
    اول حاجه: انها مدخلتش فريق التمثيل (مع العلم اني كنت في 5 ابتدائي كنت هدخل فريق التمثيل ودخلت لمدة يوم وماما قالتلي اني لو فضلت في الفريق هتزعل مني وانا خرجت) واديني ولد وماما مرضيتش يبقى انا تعرضت للقهر او لغسيل مخ؟
    ثاني حاجه : انها مدخلتش طب (انا على فكرة بشجع الطب للبنات جدا لكن مش بشجع البيات برة البيت للبنت) عشان متباتش برة البيت طيب بالله عليكي ينفع تبات برة البيت؟

    ثالث حاجه: انها مرضيتش تشتغل في مصنع ادوية باين عشان متعدش مع راجل طول اليوم في مكتب لوحدهم .....طيب مهو غلط ....ايوة غلط تقعد مع راجل لوحدهم في مكتب طول اليوم

    رابع حاجه : عقد العمل اللي برة مصر اللي رفضته ......هو يا استاذه مش سفر البنت بدون محرم حرام؟؟؟

    يعني يا استاذه كل الحاجات اللي قالتها سوسة - على سبيل - الدين هو اللي محرمها مش المجتمع
    يبقى لما حضرتك تتكلمي باسم الدين لازم تقولي لسوسة لا يا سوسة ده مش غسيل مخ ده تربية المفروض تشكري باباكي وماماتك عليها مش تقولي انهم عملولك غسيل مخ
    انتي يا استاذه فريدة ترضي بنتك تمثل ولا تبات برة البيت ولا تسافر ولاحتى تقعد مع راجل طول اليوم في مكتب لوحدهم؟
    يعني يمكن لما ترفضي في الاخر بنتك تقول عليكي انك عملتلها غسيل مخ مش ربتيها
    يبقى ليا حق اضايق ولا لا؟
    على العموم انا مش عايز كلامي يضايق حق وبالنسبه للاخت اللي بتقولي اظلم بنت احب اقلها اني ليمكن اظلم بنت بالذات بجد مستحيل مستحيل فعلا اني اظلم بنت اذا كنت مش بقدر اظلم ولد يبقى هظلم بنت مستحيييييييل واقلها بردو اني مقلتش الراجل احسن من البنت
    لا بجد ليه منتفقش كلنا على يوم نقيم فيه الليل؟ هو اقتراح احمق ولا حاجه؟
    خالص امنياتي القلبيه

     
  • At 5:18 AM, September 11, 2006 , Blogger Bent Masreya said...

    بجد بجد يا فريدة الله يباركلك ويرضى عليكى ويكرمك واحنا فى ايام خير وبركة زى ايام شعبان دى :) بجد يعنى تدوينة ولا اجمل ولا انضج

    يجعله فى ميزان جسناتك يا فريدة يا سبيشال يا رب :)

     
  • At 10:02 AM, September 11, 2006 , Anonymous Familiar Stranger said...

    Farida,
    Allow me to make a comment to Abdo Allah:
    عبد الله، مش معنى ان فريدة أو أي حد من البنات بتتكلم عن ازدواجية المجتمع، انه احنا عايزين المبادىء الغلط اللي بيتربوا علبها الولاد تطبق علينا
    كل اللي فريدة قالته و اللي حضرتك اعدت كتابته مش ظلم؟ مش قهر للمرأة
    في مجتمعنا؟
    الطلاق اللي بيظلم المرأة مش غلط؟
    على العموم أنا فهمة وجهة نظرك، بس فريدة مش بتسخن البنات على العلاقات الجنسية قبل الجواز! هية فقط بتلقي ضوء على ازدواجية مجتمعنا
    تحياتي لكم
    F.S.

     
  • At 5:48 PM, September 11, 2006 , Anonymous Anonymous said...

    ليلى فى الصعيد مختلفه شويه كان فلاح بسيط بيزرع ارضه واختلف مع جاره على الحدود بين الحقلين وقامت عركه فى الحقل سال فيها دم جوز الهانم وروح البيت ليلى شافت جوزها بين الناس ودمه سايل معجبهاش الوضع ومع شوية تسخين دخلت البيت وخرجت فى ايدها طرحه حريمى رميتها لجوزها وقالت له اقعد انت فى الدار مع الولايا الراجل ضرب الدم فى دماغه وراح الغيط ومسك جاره وضربه بالفاس موته ودخل السجن وخد 15 سنه وابنه المسكين اصبح يروح المدرسه فى حماية اهل البلد خوفا من الثأر حتى حصل على الثانويه العامه والتحق بالجامعه فى القاهره وداب وسط الناس ولا احد يعرف عنه شئ والاب مات فى السجن وليلى ماشيه فى البلد رافعه راسها بكل فخر .وفى القاهره الوضع لا يختلف كثيرا فقد صدمت سيارتها الفارهه سيارتى المسكينه فتوقفت ونزلت من السياره فى غضب لأكلمها ولكن سبقت وقالت لاتتكلم ولاكلمه دادى سوف يتصرف ويدفع لك ما تريد وعملت كام موبايل وانتظرت قرابة الساعه حتى جاءت سياره ونزل منها ضابط شرطه وسلم بكل ادب ثم اذن لها بالانصراف واخرج الموبايل وتكلم الى الباشا قائلا كله تمام يافندم والانسه روحت البيت ومافيش مشكله ثم نظر الى قائلا بنات مدلعه دي ياسيدى بنت سيادة اللواء وباعتنى مخصوص علشان يطمئن عليها انا شايف انك راجل طيب خد العربيه وروح مافيش داعى للمشاكل وفعلا ركبت العربيه وحاسس ان كل ليلى فى الشارع مطلعه لسانها وتقول انت مش قدى وروحت لقيت ليلى بتاعتى طبخه باذنجان اسود بالرغم اننا متفقين على اكلة كوارع واكلت الباذنجان قبل ما تطلع لسانها هى كمان وتذكرت الحكمه التى تقول ليلى من غير لسان تساوى انسان.

     
  • At 9:54 PM, September 11, 2006 , Blogger farida said...

    انا الأول حرد على استاذ عبد الله
    علشان معنديش وقت ولازم ارد على كل الكلام اللي كتبه

    أولا انا اسفه مرتين
    مره لأني مقرتش كلامك عن سعاد حسني صح
    و مره لني ضايقتك بإشارتي ليك بضمير الغائب في بلو

    ثانيا ليه استاذه فريده دي
    انا فريده و انا لا كاتبه سني و لا اي حاجه عني


    حضرتك انطلاقا من فكرك كرجل و اب تخوفت من تلك الحمله و ألصقتها بفكر نوال السعداوي
    التي لا أوافق على فكرها خالص على فكره
    و عمري ما قريت لها كتاب

    و من يوم ما قالت بنتها انها حطت اسمها قبل اسم والدها و انا اخذت عنهم فكره تخليني اتضايق جدا لما تقول ان انا بيست اند كوبي من كتاباتها

    يا سيدي الفاضل
    مش معنى اننا نلفت النظر لفرق المعامله اننا عاوزين البنات تنحل
    ليه مفكرتش ان احنا عاوزين الرجاله تتربى صح
    و البنات كمان

    انا بكره جدا ان البنات وصلوا للحاله اللي احنا شايفنها النهارده
    و عندي رأي شخصي احب اكتبه لك

    النهارده الست امرأه عامله و أم و زوجه و خادمه في نفس الوقت
    و الحياه صعبه
    و الأم هي عماد الأسره
    و هي أساس التربيه

    علشان كده في خلل في التربيه

    طب ليه الست متبهدله كده
    حتقول لي هي اللي مبهدله نفسها
    لا يا سيدي الفاضل
    و الله ابدا

    إرجع اقرا التاريخ
    و شوف الشعوب العربيه وصلت ليه للمرحله دي

    مش علشان دعاة تحرير المرأه و الكلام ده

    لا يا سيدي الفساد بدأ من النفاق و الإزدواجيه
    العرب شرقيين متعصبين التعصب القبلي القديم للرجل
    بمنتهى البساطه ربوا أجيال و اجيال غلط
    بمنتهى البساطه ربنا مقالش كده
    لما الست خرجت للعمل و الدراسه قالوا حرام
    طيب لما كان في الف وضع حرام كان فين حماة الدين دول

    الرجل لما يناهض سفر المرأه لوحدها لأنه مش من الشرع
    لا أعارضه
    و لما يشجب عدم تحمل الزوجه مسئوليتها أحييه

    لكن فين اللي بيقول حرام مماطلة المطلقه في نفقتها
    فين اللي بيقول حرام أخذ ميراثها
    فين الدين لما كانت البنت تتجوز بدون رأيها
    فين الدين لما كانت الأرمله تتجوز أخو زوجها المتوفي علشان الورث ميطلعش بره

    الكل يثور لأجل الدين تاره
    و يصمت أعواما

    كل الأوضاع الغلط دي وعمرنا ما سمعنا عن رجاله دمها بيغلي في عروقها علشان الدين اللي بيتهان نتيجه للأعراف

    بس سمعنا عن رجاله دمهم فار علشان كتب قاسم امين
    و بنسمع عن رجاله بتهاجم اي ست تتكلم عن التفرقه

    يا سيدي الفاضل في تفرقه
    ده امر واقع
    في عدم دين
    ده امر واقع

    في بنات كتير وحشه
    و في رجاله اكتر أسوأ


    انا لما كتبت اان في منظومه ذكوريه
    ده صحيح
    في استبداد ملوش اي علاقه بالدين

    و هو اللي وصلنا للتخبط ده

    مش علشان المجتمع بيفرق ما بين الرجل و الست بس
    لا
    علشان المجتمع بيفرق ما بين الدين و الحياه
    بناخد حاجه و نسيب حاجه

    أرجو انك تكون فاهمني

    و موضوع قيام الليل دي فكره ممتازه
    بس مش ممكن تيجي تقول لي
    مالكم ومال نظرة المجتمع للبنت ؟؟؟
    مش منطقي يعني

    و امال مين ماله!!!؟
    انا يا سيدي عاوزه الكل يقيم الليل
    بس كمان عاوزاك تحترم المرأه لأن ربنا كرمها و إحترمها و لم ينتقص من قدرها شيء

    و مش بقولك إحترم أي ست
    لا يا سيدي
    الست القانته الطائعه الحافظه للغيب

    دي كانت موجوده زمان و لم تحترم و اهينت

    مش معنى كده ان النماذج السلبيه اللي موجوده دلوقتي صح أو مبرره

    عمر ما حد يقول كده

    لكن لغاية النهارده البنت بيتبص لها انها اقل
    ليه؟؟؟؟؟؟؟
    ده بدل ما نتعلم من اللي فات
    ده بدل ما تشجعها بإحترامك ليها و عدلك معها انها تكون مثل للمرأه المسلمه الكامله

     
  • At 9:59 PM, September 11, 2006 , Blogger farida said...

    This comment has been removed by a blog administrator.

     
  • At 6:23 PM, October 04, 2006 , Anonymous بهاء الدين رمضان said...

    الحمد لله كثيرا ما اجد امرأة واعية ومستنيرة وواثقة من نفسها لا تشعر بالتدني أو الخضوع هكذا يجب أن تعي المرأة أنها والرجل سواء غير ان لكلٍ عمله
    ولذا ارى أن حرية المرأة تنبع من داخلها ومن ثقتها في نفسها
    أختي العزيزة لي بعض الآراء حول هذا الموضع تجدينها على مدونتي أرجو ان أتعرف على رأيك فيها
    بهاء الدين رمضان
    عضو اتحاد كتاب مصر

     
  • At 12:27 PM, October 19, 2006 , Anonymous Anonymous said...

  • At 12:31 PM, October 19, 2006 , Anonymous Anonymous said...

  • At 5:09 PM, November 16, 2006 , Blogger Utopian said...

    u r really special..god bless u
    visit me:

    www.chaotic-utopia.blogspot.com

     
  • At 3:52 AM, November 27, 2006 , Anonymous Anonymous said...

  • At 1:54 PM, July 02, 2007 , Anonymous Anonymous said...

    قرأت الموضوع من أيام ظهور المشاركة في موقع البي بيسي و كنت قد كتبت مشاركة موجودة بإسمي و لكن يبدو أن فريدة صاحبة حق كبير علينا كلنا فهي اولا و اخيرا تحاول أن ترصد سلبياتنا و تبحث عن حلول كذلك و لفرط صدقها فهي لا تملك حلول جاهزة كحال كل مشاكل الشعوب المتراكمة و المتراكبة عبر الزمن و الثقافات
    المهم تحياتي لفريدة الإنسانة الواعية و الباحثة عن حق و خير لا أشك فيه
    و مازال الأمل باقيا بحكم روح الحياة الهادر و الحي برغم كل دواعي العولمة من ناحية و التطرف من ناحية أخري
    تبقي يا فريدة نقطة توازن مجاهدة بين رياح الشرق و اعاصير الغرب

     
  • At 5:55 AM, September 11, 2007 , Blogger He & She said...

    yah ya Miss Farida. you are really Farida because I didnt read to any woman the practicality I read for you. You talk about real life issues in a clear convincing way. I am sure your children will be well raised and will be ideal children because to have solid faith in the basics of our culture and religion. I am so impressed there is still some woman think this way where social and family values are evaporating

     
  • At 11:14 AM, December 11, 2008 , Blogger kuroe said...

Post a Comment

<< Home